Բարի գալուստ «ԽԱՂԱՂՈւԹՅՈւՆ» քրիստոնեական բլոգ։ Բլոգի մասին կարդացեք այստեղ։
Ծանոթացեք բլոգի հնարավորություններին
  • Վերևում գտնվող «Բլոգի թեմաները» էջում կարդացեք բլոգի ամբողջ թեմաները։
  • «Հղումներ» էջում օգտվեք հետևյալ հղումներից․ Հոգևոր երգարան, Հոգևոր երգեր mp3, Քարոզներ mp3, Իմաստուն խոսքեր, Եկեղեցական հայրեր և այլն։
  • Մեր բլոգի մասին կարդացեք «Բլոգի մասին» էջում։
  • Վերևի էջանիշի վերջին «Kh YouTube» էջը մեր յութուբյան ալիքն է,։
  • Կարող եք նաև օգտվել ներքևում գտնվող՝ «Որոնել բլոգում» որոնման համակարգով։
  • «Բլոգի Տարեգրություն» բաժնում բլոգի ամբողջ թեմաներն են ըստ թվականի:
   Խաղաղություն բլոգը դարձել է ավելի պարզ և մատչելի։ Առաջարկությունների դեպքում կարող եք գրել khaghaghutyun@gmail.com էլ․ հասցեով։

Ապշելի դեպք։ Ինչ-որ մեկը թաքնված է մահճակալի տակ։

   Գյուղից քիչ հեռու, մի փոքր առանձնատանը իր երկու ծեր սպասուհիների հետ ապրում էր արդեն տարիքն առած, ոչ հարուստ մի ազնվական կին: Ապրում էին հաշտ ու համերաշխ, անվախ էին թե՛ տիրուհին, թե՛ նրա սպասուհիները, որովհետև երեքն էլ հուսացած էին իրենց Տեր Աստծուն:
   Ամեն երեկո նրանք փակում էին բոլոր դռներն ու լուսամուտները և հանգիստ պառկում քնելու, չնայած այն բանին, որ տունը ոչ պահակ ուներ, ոչ էլ մերձակա հարևան:
Մի անգամ երեկոյան, սովորության համաձայն, փակեցին բոլոր դռներն ու լուսամուտները և գնացին քնելու: Սպասուհիների ննջարանները տան մի թևի վրա էին, իսկ տիկնոջը` մյուս: Տիրուհին սիրում էր քնից առաջ առանձնանալ, կարդալ, խորհել, աղոթել, այդ պատճառով էլ միշտ աղախիններին շուտ էր արձակում: Ամբողջը այստեղ

Նյուտոնի հզոր պատասխանը

   Նյուտոնը արեգակնային համակարգի մի հրաշք մակետ էր պատրաստել: Եվ մի օր, երբ նա իր սենյակում հիանում էր դրանով, ներս է մտնում ընկերը.
– Ի՜նչ հրաշք, ո՞ւմ ձեռքի գործն է…
– Ոչ ոքի…- պատասխանում է Նյուտոնը:
– Ինչպե՞ս թե՝ ոչ ոքի, բա ինքն իրեն ո՞նց հայտնվեց…
Նյուտոնը պատասխանում է.
– Խնդիրն էլ հենց դա է. մարդը չի հավատում, որ արհեստական ինչ-որ մակետ կարող է հայտնվել ինքն իրեն…
Ապա երկինք նայի՛ր. երբ ես քեզ հարցնում եմ՝ «Ո՞ւմ ձեռքի գործն է այս հրաշք երկինքը, որտեղ ամեն բան վայրկյանի ու միլիմետրի ճշգրտությամբ հաշվարկված է», դու շատ հանգիստ պատասխանում ես՝ «Ոչ ոքի»:

Քարոզ՝ Տիրոջ հրաշափառ հարության մասին

Քրիստոս հարյավ ի մեռելոց, օրհնյալ է հարությունը Քրիստոսի։ Տերը հաղթեց սատանային և մեզ տվեց հաղթություն և կյանք հավիտյան։ Քարոզում խոսվում է Տիրոջ հրաշափառ հարության և հաղթանակի մասին։ Եղբայրը պատմում է Ջոնաթանի պատմությունը՝ օրինակ բերելով հարության խորհուրդը։ Ամբողջը այստեղ

Բոլորը պիտի լսեն ու միշտ հիշեն այս պատմությունը։

Մի քանի տարի առաջ ես ներկա էի 25 ամյա մի տղայի թաղմանը։ Նա մահացել էր թմրանյութի չափից շատ դոզա ընդունելու պատճառով։ Մահվան օրը ես փորձում էի մխիթարել նրա մայրիկին։ Նա միայնակ մայր էր, իսկ այդ տղան նրա միակ զավակն էր։ Նրան այդ կորուստը անբացատրելի ցավ էր պատճառել։ Նա քրիստոնյա լինելով զայրացել էր Աստծո վրա իր որդու մահվան համար։ Ամբողջը այստեղ

Մեր տունը այրվեց հիմնովին, բայց․․․

    Երբ ես փոքր էի, մեր տունը այրվեց հիմնովին: Ես ամենափոքրն էի ընտանիքի չորս երեխաներից (հիմա արդեն փոքր եղբայր էլ ունեմ): Մենք կորցրեցինք ամեն բան, այդ թվում՝ մեքենան: Հայրս մի քանի ամիս անցկացրեց հիվանդանոցի այրվածքաբանության բաժանմունքում՝ կյանքի վերադառնալու ընդամենը 30 տոկոս հույսով: Նա հրաշքով վերականգնվեց:
   Մեր եկեղեցուց մի մարդ գնեց մեզ համար նոր մեքենա՝ խցիկում թողնելով շատ գումար, որպեսզի օգներ մեզ ոտքի կանգնել: Հայրս խոստացավ անպայման վերադարձնել ամենը, երբ աշխատանքի անցնի (այդ տարի նա սովորում էր ասպիրանտուրայում, որը հրդեհից հետո թողեց): Բարեսիրտ մարդը հրաժարվեց՝ ասելով, թե մեկ օր մենք հնարավորություն կունենանք մեկ ուրիշին նման մի օգնություն ցուցաբերելու:
   Այդ ժամանակից անցել է 10 տարի: Հայրս այս ընթացքում հասցրել է շատ բանի հասնել: Մենք ապրում ենք լավ տան մեջ, ունենք մի քանի մեքենա և ամեն անհրաժեշտ բան:
Վերջերս եկեղեցում հայտարարեցին, որ գումար են հավաքում հատուկ հարմարություններով մեծ մեքենա գնելու՝ եկեղեցու հաշմանդամ անդամների համար: Կազմակերպիչների հետ հանդիպելով՝ հայրս հետաքրքրվեց, թե որքան գումար է անհրաժեշտ, և վճարեց այդ ամբողջ գումարը:
   Ցավոք, այն մարդը եկեղեցուց, ով տարիներ առաջ օգնել էր մեզ, արդեն ննջել էր Տիրոջ մեջ և չտեսավ, որ իր խոսքերը՝ ուղղված հորս, ի կատար ածվեցին:

Մելինեն ապրեց Հիսուսով ու գնաց Հիսուսի մոտ։

Մելինեն ծնվել է 1987 թվականին, Չարենցավան քաղաքում։ Նա փոքր տարիքից է եղել Քրիստոսի ճանապարհի մեջ։ Պատանի տարիքից նրա մտերմությունը սկսեց շատանալ Ավետարանի հետ։ 
   Նա շատ էր սիրում Աստծո խոսքը։ Նրա համար միակ չափանիշը Աստծո խոսքն էր։
Երբ մի անգամ Մելինեն կարդում էր Նեեմիա 9։33 խոսքը․
«Սակայն բոլոր մեզ պատահած բաների մեջ դու արդար ես, քանզի դուն ճշմարտությամբ արիր, բայց մենք անօրենություն արինք»։ Եվ երբ մտածում էր այդ խոսքերի վրայով, կարծես մի ձայն խոսեց ու ասաց․ «Հիմա դու ասում ես, որ Տերը արդար է, բայց երբ դու հիվանդանաս, արդյոք կասե՞ս, որ Տերը արդար է»։ Նա մի պահ մտածելուց հետո ասաց․ «Այո՛ ես կասե՛մ, որ Տերը արդար է»։ Ամբողջ պատմութունը այստեղ

Շատ արտասովոր վկայություն։ Հրաշք, որը կապշեցնի քեզ

Այն իրական պատմությունը, որը ես ուզում եմ ներկայացնել, շատ արտասովոր է: Այն ինձ չի հասել բերնեբերան պատմվելով, այն ինձ պատմել է հենց այն անձնավորությունը, որի հետ պատարվել է այս դեպքը: Դեպքն այնքան արտասովոր էր, որ ես երկար ժամանակ չէի համարձակվում գրել այդ մասին, մինչև մի օր Աստված ասաց. «Դու, ի՞նչ է, ամաչո՞ւմ ես Ինձնից: Քեզ համար մարդկանց կարծիքն Ինձնից կարևո՞ր է դարձել»: Ամբողջը այստեղ

Այս վկայությունը պատմել է հովիվ Ալեքսանդր Կապրիյանը:
Վկայության աղբյուրը՝ «Наши дни» շաբաթաթերթ
Թարգմանությունը՝ «Բարի լուր» ամսագրից

Հրաշալի վկայություն։ Ինչպես է եղբայրը ծառայել բանակում

Հրաշալի վկայություն այն մասին, թե ինչպես է հավատացիալ եղբայրը ծառայել բանակում / Как брат служил в армии. ( վկայությունը՝ ռուսաց լեզվով) Պատմող՝ ПАВЕЛ СИТКОВСКИЙ Տեսանյութը այստեղ
Խորհուրդ․
(Եթե չեք հասկանում ռուսերեն լեզուն, խնդրեք ռուսերեն իմացողին որ թարգմանի։
Թեկուզ անհավատներին խնդրեք, որ նրանք էլ թարգմանելով լսեն Աստծո հրաշքները)։

Չար դեղերի զոհերը

«․․․Յուրաքանչյուր մանկան դիմաց, որի ծնունդը խափանել են չար դեղերով, Աստված նրանցից հասուն մարդու արյուն պիտի պահանջի ահավոր ատյանում»։ Վարդան Այգեկցի
  Սթափվեք, սթափվեք ու մեղք մի գործեք։ Վախեցե՛ք Աստծուց և մի՛ սպանեք անմեղ երեխաներին։
Եթե այս մեղքը գործել եք, բացե՛ք ձեր սրտերն Աստծո առաջ։ Խոստովանե՛ք այս ծանր մեղքը, ներում խնդրեք և ապաշխարեք։
Տերն ասում է․
  «Հիմա եկեք ու վիճաբանենք, ասում է Տերը, եթե ձեր մեղքերը կրկնակի կարմիրի պես լինեն, ձյունի պես պիտի սպիտականան. Եթե նրանք որդան կարմիրի պես լինեն, ասրի պես սպիտակ պիտի դառնան։
Եթե հոժարվեք եւ լսեք, երկրի բարիքը կ՛ուտեք։ Բայց եթե մերժեք եւ ապստամբվեք, սուրը պիտի ձեզ ուտի. Որովհետեւ Տիրոջ բերանը խոսեց»։ Եսայիա 1։18-20
  «Իր հանցանքը ծածկողը չի հաջողվի, բայց խոստովանող ու թողողը ողորմություն կգտնի»։ Առակաց 28։13

Երեխաների դաստիարակությունը։ Կարևոր խորհուրդներ։

Երեխաների դաստիարակությունը։ Կարևոր խորհուրդներ։ (Հատված 2021,03,20 Աբովյան)
Կարևոր խորհուրդներ երեխաների դաստիարակության համար։ Հատված պաշտամունքից (2021,03,20) Տեսանյութը այստեղ
Խրատիր որդուդ, եւ նա էլ քեզ կհանգստացնի. Եւ սփոփանք կպատճառի քո հոգուն։ Առակաց 29:17

Խոսքերի երեք մաղերը

Մի անգամ մեկը մոտեցավ հայտնի փիլիսոփա Սոկրատեսին ու ասաց.- Գիտե՞ս, թե քո մասին ինչ ասաց ընկերդ:
- Սպասի՛ր,- ընդհատեց նրան Սոկրատեսը,- նախ՝ ասելիքդ անցկացրու երեք մաղերով:
- Երեք մաղերո՞վ:
- Խոսելուց առաջ ասելիքդ երեք անգամ մաղիր: Նախ և առաջ՝ այն անցկացրու ճշմարտոււթյան մաղով: Դու վստա՞հ ես, որ ասելիքդ ճշմարիտ է:
- Ո՛չ, վստահ չեմ, պարզապես լսել եմ:
- Պարզ է: Ուրեմն, դու չգիտես՝ ճշմարի՞տ է ասելիքդ, թե՞ ոչ: Հիմա անցկացնենք այն երկրորդ՝ բարու մաղով: Դու ուզում ես իմ ընկերոջ մասին լա՞վ բան ասել:
- Ո՛չ, ընդհակառակը:
- Ուրեմն,- շարունակեց Սոկրատեսը,- դու պատրաստվում ես նրա մասին ինչ-որ վատ բան ասել և անգամ վստահ չես, որ ասելիքդ ճշմարիտ է: Փորձենք երրորդ մաղը: Իսկապե՞ս անհրաժեշտ է, որ ես լսեմ այն, ինչ ուզում ես պատմել:
- Ո՛չ, անհրաժեշտ չէ:
- Ուրեմն,- խոսքն ավարտելով պատասխանեց Սոկրատեսը,- ասելիքիդ մեջ բացակայում է բարին, օգտակարը և անհրաժեշտը: Ուրեմն էլ ինչո՞ւ արտաբերես այն:
Սիրելինե՛ր, եկեք մենք էլ զգուշանանք մեր ասած ու ասելիք խոսքերից: Տեր Հիսուսն ասաց. «Բայց ասում եմ ձեզ, թե ամեն դատարկ խոսքի համար, որ մարդիկ խոսեն՝ դատաստանի օրը հաշիվ պիտի տան»։ (Մատթ․ 12.36)

Գուցե Աստված ձեզ փո՞ղ է պարտք։

Մի տարեց կին շատ զայրացած էր Աստծու վրա։ Նրա կյանքում ոչինչ չէր ստացվել այնպես, ինչպես ինքն էր ցանկացել․ ամուսինը հարբեցող է, աղջիկը չի ամուսնանում, որդին աշխատանք չունի, ինքն էլ հիվանդ է․․․ Եվ այդ կինը գնում է տաճար, որպեսզի վիճի Աստծու հետ։ Աստծուն չի գտնում, դրա փոխարեն իր բողոքը հայտնում է քահանային։ Ամբողջը այստեղ
Կարդում է Սուսաննա Սարգսյանը

Տեսանելի են մեր բոլոր մտքերը

Ուսուցչուհին դասարանում երեխաներին ցույց տվեց մի ապակյա անոթ, որը ջրով էր լցված։ Բոլորը տեսան, որ ջրի մեջ ձկներ են լողում։
- Բոլորդ պարզ տեսնո՞ւմ եք ձկներին,- հարցրեց ուսուցչուհին։
- Այո՛, այո՛,- պատասխանեցին երեխաները։
- Իսկ եթե ես անոթը շրջեմ ա՛յ այսպես, էլի՞ կտեսնեք։
- Իհարկե։ Բոլոր կողմերից էլ լավ երևում է։ Չէ՞ որ ապակին թափանցիկ է։
- Ճիշտ է,- համաձայնեց ուսուցչուհին։ - Ճիշտ այդպես էլ Աստծո համար տեսանելի են մեր բոլոր մտքերը, ցանկություններն ու գաղտնիքները։
Եվ եթե մեր հոգում չարիք ենք թաքցնում, ապա այն ևս թաքուն չի մնում Աստծու ամենատես աչքից։ Հիշե՛ք սա, որովհետև լավ գործերի համար պարգևատրվում են, իսկ չար գործերի համար՝ պատժվում։
Որովհետեւ Աստծո խոսքը կենդանի է եւ զորաւոր եւ ամեն երկսայրի սուրից աւելի կտրուկ է, եւ թափանցում է մինչեւ շունչի եւ ոգու եւ հոդվածների եւ ծուծի բաժանվելը. Եւ քննող է սրտի մտքերը եւ խորհուրդները։ (Եբրայեցիներին 4:12-13)

Առաջ երկնքի արքայությունը․․․

  Ես ու ամուսինս ապրում ենք գյուղում, որտեղից քաղաք հասնելու համար պետք է ավտոբուս նստենք: Մոտեցավ հերթական կիրակին, և մենք պետք է գնայինք եկեղեցի, որը գտնվում է քաղաքում: Մենք հաշվեցինք մեր ունեցած ողջ գումարը. այն կբավականացներ կամ դեպի քաղաք տանող երկու տոմսի, կամ երկու հացի: Մենք երկար չմտածեցինք, հավաքվեցինք և գնացինք ավտոբուսի կանգառ: Թե ինչպես էինք ետ վերադառնալու, նույնիսկ չքննարկեցինք:
  Երբ հավաքույթն ավարտվեց, ինձ մոտեցավ մի քույրիկ ու ասաց. «Աստված իմ սրտում ցանկություն է դրել, որ ես այս գումարը տամ ձեզ»,- և ձեռքիս մեջ որոշ գումար դրեց: Մենք զարմացանք Աստծու գործի վրա, փառք տվինք Նրան և հիշեցինք Աստծու Խոսքը, որ ասում է. «Առաջ փնտրեցեք երկնքի արքայությունն ու անոր արդարությունը, և ամեն բան կտրվի ձեզի»:
Այդ գումարով մենք ուրախ ետ վերադարձանք ու հաց գնեցինք: Դեռ որոշ գումար էլ ավելացավ:

Իրինա Անտոնովա
Աղբյուր՝ “Слово Христианина”, 3/2012г

Սթափվե՛ք ծնողներ, պատասխան եք տալու Աստծուն ձեր երեխաների համար։

Դատաստանի օրը միլիոնավոր հոգիներ պիտի կանգնեն Աստծու հզոր գահի առաջ և, լսելով իրենց դատավճիռը, սարսափահար պիտի գոռան և ասեն. «Ես մեղադրում եմ իմ ծնողներին»: Կան շատ ծնողներ, որոնք իրենց զավակներին տվել են ամեն ինչ, բացի Աստծուց: Ամբողջը այստեղ
Ընթերցող՝ Սուսաննա Սարգսյան
Աղբյուր՝ Բարի լուր ամսաթերթ

Աստված, եթե Դու կաս, նշան ցույց տուր։ (Հրաշք պատմություն)

Մի շաբաթ երեկո, նախքան տուն գնալը, հովիվը որոշեց զանգել կնոջը։ Արդեն համարյա գիշերվա ժամը տասն էր, սակայն կինը չեր պատասխանում։ Հովիվը սպասեց, որ մոտ քսան զանգ գնա, սակայն կինն այդպես էլ չպատասխանեց։ Որոշ ժամանակ անց նա նարից հավաքեց իրենց տան հեռախոսահամարը և կինն անմիջապես պատասխանեց․․․ (Հրաշք պատմություն) Ամբողջը այստեղ

Վեց հետաքրքիր և խրատական առակ և պատմություն։

Վեց շատ հետաքրքիր և խրատական առակ և պատմություն մեկ տեսանյութում։Ֆրանսիայում, մի եկեղեցում քարոզի ժամանակ Աստված իմ հայացքն ուղղեց մի քույրիկի վրա և իմ սրտում դրեց օգնել նրան: Հավաքույ թից հետո ես առանձին մոտեցա քույ րիկին և մի որոշակի գումար դնելով ծրարի մեջ` տվեցի նրան: Ես ասա ցի` Աստված դրել է սրտումս, որ ի րեն օգնեմ: Երբ սենյակից դուրս եկա, մի եղբայր մոտեցավ ինձ և հարցրեց, թե ես ինչ էի առան ձին խոսում քույրիկի հետ: Ես պատասխանեցի, որ դա իմ գործն է, բայց նա երկրորդ անգամ ինձ հարցրեց, թե ես ինչու էի առանձնացել քույրիկի հետ: Ես նորից ասացի, որ դա այդքան էլ կարևոր չէ և պետք չէ, որ ինքն այդ մասին իմանա: Նա երրորդ անգամ ինձ խնդրեց, որ ասեմ պատճառը և հարցրեց, թե արդյո՞ք ես նրան օգնել եմ գումարով: Տեսանյութը այստեղ

Թագավորն ու երիտասարդ կալանավորը

   Ոմն թագավոր, մի օր որոշելով բարեգործություն անել ու ազատել հանցագործներից մեկին, գնում է բանտ, սկսում մեկ առ մեկ հարցաքննել կալանավորներին:
   Իսկ նրանք բոլորը, չքմեղ (անմեղ) լինելով, պատմում են, որ իրենք անմեղ ու համեստ մարդիկ են և անարդար կերպով են բանտ ընկել:
   Մի երիտասարդ կալանավոր, անկեղծորեն պատմելով իր գործած հանցանքների մասին, նշում է, որ ինքը արժանի էր մահվան, բայց իշխանությունը խղճալով՝ կյանք էր շնորհել ու դատապարտել ցմահ բանտարկության…
   Թագավորը կեղծ բարկությամբ հրամայում է բանտի վերակացուին.
– Այսքան համեստ ու անմեղ մարդկանց միջից անմիջապես դո՛ւրս արեք այս գայլին, որպեսզի չմնա նրանց հետ ու իր վատ վարքով չապականի բոլորին: Վարդան Այգեկցի
Իր հանցանքները ծածկողը հաջողություն չի ունենա, բայց խոստովանողն ու դրանք լքողը գթություն կգտնի։ Առակաց 28:13

Ջերմեռանդ աղոթքի զորությունը

   Իմ աղոթքի կյանքում եղել են դեպքեր, երբ Աստված ինձ խրախուսել է աղոթել համարձակ և համարձակ մարգարեական հռչակումներ անել: Ես ուզում եմ, որ իմ սիրտը միշտ լցված լինի ծարավով և փափագով առ Աստված: Այդ խանդավառ ձգտումը ծնում է հնազանդություն, ինչն էլ առաջնորդում է զարմանահրաշ արկածների Նրա հետ, արկածներ, որոնք օգնում են Նրա սրտի և Նրա ճանապարհների ճանաչողության մեջ աճելուն:
   « Նրանց աղոթելուց հետո շարժվեց այն տեղը, որտեղ հավաքված էին, և բոլորը լցվեցին Սուրբ Հոգով ու Աստծու խոսքն էին քարոզում համարձակությամբ» (Գործք առաքելոց 4.31):
Տվե՛ք Աստծուն 15 րոպե ձեր աղոթքի մեջ.

* Նայե՛ք, թե ինչ էր կատարվում, երբ առաջին դարի եկեղեցին միաբան աղոթում էր: Լսե՛ք, թե այսօր շատերը ինչ են վերապրում աղոթքի մեջ: Խնդրե՛ք Տիրոջից աղոթքի մեջ նման համարձակություն, եթե ցանկանում եք ունենալ:

* Փափագն առ Աստված գալիս է Նրա հետ զրույցի մեջ անցկացրած մեր ժամանակից:

* Այսօր կարդացեք Գործք առաքելոցի առաջին 4 գլուխները: Արդյոք տեսնո՞ւմ եք, որ մենք մեր ազգի մեջ արթնության կարիք ունենք: Խնդրե՛ք Տիրոջից, որ դուք նույնպես վերապրեք Սուրբ Հոգու հեղումը, ինչպես Գործք առաքելոց գրքում:


Աղոթք.
Հա՛յր, սովորեցրու ինձ աղոթել ջերմեռանդ աղոթքներ, որոնք փոփոխություն կբերեն իմ շրջապատում, կփոխեն իմ քաղաքը: Ես հավատում եմ, որ Դու կարող ես անել այսօր նույնը և ավելին, ինչ անում էիր Գործք առաքելոցի դարաշրջանում: Շնորհակալ եմ Քեզնից, Տե՛ր: Ամեն:

Ջերմեռանդ աղոթքը կարող է փոխել ազգը:
Դաչ Շիթ

Աստված ամեն բան տեսնում և լսում է։ Ասեղը և չկատարած խոստումը

   Ասեղի պատմությունը։ (Շատ հետաքրքիր պատմություն)
Սուսաննա Սարգսյանի վկայությունը ասեղի մասին։ 
Պատմում է Սուսաննա Սարգսյանը։ Տեսանյութը այստեղ
¹ Երգողների գլխավորին։ Դավթի սաղմոս։ Տե՛ր, դու ինձ քննեցիր և ճանաչեցիր։
² Դու գիտես իմ նստելն ու վեր կենալը, հեռվից իմանում ես իմ մտածումները։
³ Քննում ես իմ գնալն ու պառկելը և գիտես իմ բոլոր ճանապարհները,
⁴ Որովհետև դեռ խոսք չկա իմ լեզվի վրա, ահա, ո՜վ Տեր, դու բոլորը գիտես։
⁵ Ինձ շրջապատում ես իմ հետևից ու առջևից և քո ձեռքը դրել ես ինձ վրա։
⁶ Այս գիտությունը շատ զարմանալի է ինձ համար, բարձր է, չեմ կարողանում հասնել նրան։
⁷ Ո՞ւր գնամ քո Հոգուց և քո ներկայությունից ո՞ւր փախչեմ։
⁸ Եթե վեր ելնեմ երկինք, դու այնտեղ ես, և եթե պառկեմ դժոխքի մեջ, ահա դու այնտեղ ես։
⁹ Եթե արշալույսի թևերն առնեմ և բնակվեմ ծովի վերջին ծայրերին,
¹⁰ Այնտեղ էլ քո ձեռքն է առաջնորդելու ինձ, և քո աջն է բռնելու ինձ։
¹¹ Եթե ասեմ. «Թող խավարն ինձ ծածկի», այն ժամանակ գիշերն էլ լույս կդառնա իմ շուրջը։
¹² Մութն էլ խավար չէ քեզ համար, գիշերն էլ լույս է ցերեկի պես, խավարն էլ լույսի պես է քեզ համար։
¹³ Որովհետև դու ստեղծեցիր իմ ներքին անդամները և ծածկեցիր ինձ իմ մոր որովայնում։
(Սաղմոս 139:1-13)

Ո՛չ Աստծուն էր հավատում, ո՛չ Աստծո Խոսքին

   Ականավոր մի բժիշկ, որը հավատում ու ծառայում էր Աստծուն, այցելեց մի կնոջ: Այդ կինը հաշտ չեր Աստծո հետ. միշտ զբաղված էր իր անձնական գործերով: Կարևորն իր համար գործերն էին. ո՛չ Աստծուն էր հավատում, ո՛չ Աստծու Խոսքին, ո՛չ էլ Քրիստոսի պարգևած կատարյալ փրկությանը:
   Տան դռանը մոտենալու համար նախ պետք էր անցներ տախտակի կտորի վրայով: Բժշկին թվաց, թե տախտակի կտորն հուսալի չե: «Վտանգավոր չէ, կարող ես վստահ լինել, շատերն են անցել դրա վրայով»,-բացականչեց կինը: Կնոջ խոսքերից բժիշկը քաջալերված` կարողացավ մյուս կողմն անցնել: Տունը կայացավ հետևյալ խոսակցությունը: «Վարվի՛ր ճիշտ այնպես, ինչպես ես. ես հավատացի քո խոսքին ու անցա այդ փայտի վրայով ու ապահով տեղ հասա: Ես հավատացի այդ փոքրիկ կամրջի ապահովությանը և ահա այստեղ եմ: Աստված իր ճշմարիտ Խոսքի մեջ ասում է, որ պետք է հավատալ Տեր Հիսուսին: «Եվ ով որ նրան հավատա, ամոթով չպիտի մնա» (1Պետրոս 2,6): 
   Հավատա՛ Աստծու խոսքին, նա քեզ ապահով մյուս կողմ պիտի անցկացնի»:
  Այդ օրը, վերջապես, կինը հասկացավ իր մեղավոր վիճակը ու սրտում խաղաղություն գտավ:
Կարդա՛ Գործք Առաքելոց 16:30-31

Հարուստի և աղքատի հույսը։ (Սպանում են աղքատի որդուն)

   Տարիներ առաջ մի հարուստ ու ազդեցիկ մարդ է լինում: Մի օր նրա կրտսեր որդին ձիով վերադառնում է որսից և սկսում է մի խեղճ գյուղացու ցանած ու նոր ջրած արտի միջով անցնել: Արտում աշխատող գյուղացու տղան խնդրում է նրան, որ չանցնի, բայց նա չի լսում: Արգելելու համար տղան նրա առջև է դուրս գալիս, իսկ նա, կարծելով, թե իր վրա է հարձակվում, կրակում է տղայի վրա։ Տղան մահանում է:
   Մեռած տղայի հայրը ոչ մի վկա կամ փաստաբան չի ունենում: Դատավարության ժամանակ դատավորին ասում է.
- Պարո՛ն դատավոր, վկաներս վախեցան գալ, և փաստաբան էլ չունեմ, ես աղքատ ու թշվառ մեկն եմ: Իմ պաշտպանն Աստված է, իսկ վկաներս արդարությունն ու ճշմարտությունն են:
   Կարճ լռությունից հետո ամբաստանյալի առաջին վկան է կանչվում: Նա ասում է, որ ոճիրի օրը հարուստի տղան իրենց գյուղում է եղել, իսկ իրենց գյուղը ոճիրի վայրից շատ հեռու է: Ասում է, որ իրենք իբր միասին խնջույքի մեջ են եղել մինչև առավոտ, ուստի տղային զրպարտում են:
   Երբ երկրորդ վկան է կանչվում, ժողովրդի մեջ մեծ իրարանցում է սկսվում, պարզվում է, որ առաջին վկան երբ դուրս է գալիս, ընկնում է և մեռնում: Երկրորդ վկան դողալով ասում է.
- Մենք սուտ վկաներ ենք։ Հարուստ տղայի հայրը մեզ 50-ական ոսկի է խոստացել. 25-ը կանխիկ է տվել և խոստացել է 25 ոսկին էլ հետո տալ: Այս ասելով` նա 25 ոսկին սեղանին է դնում:
   Դատարանում խոր լռություն է տիրում, միայն լսվում են զոհված տղայի հոր խոսքերը.
- Ո՜վ Աստված, փառք Քեզ, արդարությունդ անմիջապես ցույց տվեցիր: Հարուստն իր ոսկիներին է ապավինում, իսկ ինձ պես աղքատներն՝ իրենց Աստծուն:
   Դատարանը վճիռ է կայացնում, ըստ որի հարուստի տղան 15 տարի պիտի բանտարկվի և 250 ոսկի վճարի` 200-ը զոհված տղայի հորը՝ որպես արյան գին, իսկ 50-ը՝ դատավարության ծախսերի համար:
Որովհետև նա պիտի փրկի խեղճին, որ աղաղակում է, և աղքատին, որ օգնական չունի։ Սաղմոս 72:12
Բարի լուր

«Մա՛յրիկ, ես փրկվեցի»

   Մի հավատացյալ քույրիկի որդի, որ սկզբում կիրակնօրյա դպրոց էր հաճախում, մեծանալով՝ չար ընկերակցությամբ է տարվում: Նա նավաստի է դառնում ու հաճախ է նավարկում հեռուներում:
   Մի գիշեր հավատացյալ մայրը հանկարծ արթնանում է և տղայի համար աղոթելու պահանջ է զգում: Աղոթում է այնքան ժամանակ, մինչև հանգստանում և քնում է:
   Այդ ժամանակ օվկիանոսի վրա մեծ փոթորիկ է լինում, և նավի կայմերից մեկը կոտրվում է: Նավապետը հրամայում է, որ այն կտրեն ու նետեն: Մինչ նավաստիներն աշխատում էին, հսկա մի ալիք հարվածում է տղային և օվկիանոսի մեջ նետում: Տղայի մտքով փայլակի պես սա է անցնում. «Եթե ես հիմա մեռնեմ, հավիտյան կորած եմ»: Այդ պահին նա հիշում է պատանի եղած ժամանակ կիրակնօրյա դպրոցում իրենց երգած հետևյալ տողերը.
«Թողություն կա քեզ, եթե Խաչյալին նայես:
Կյանք կա քեզ համար, ուստի Նրան նայիր,
ով մեղավոր, նայիր ու փրկվիր»:
Տղան սկսում է աղաղակել. «Ո՜վ ողորմած Աստված, ես նայում և հավատում եմ Հիսուսին, փրկի՛ր ինձ»: Հետո նա գիտակցությունը կորցնում է: Մի ուրիշ ալիք նրան նորից գցում է նավի տախտակամածին: Նավաստիները ուշքի են բերում նրան: Երբ նա ուշքի է գալիս, նրա առաջին խոսքը սա է լինում. «Գոհություն Աստծուն, ես փրկված եմ»:
   Երբ տղան տուն է գալիս, մորն ասում է. «Մա՛յրիկ, ես փրկվեցի», և պատմում է իր հետ կատարվածը: Մայրը հիշում է, որ դա այն պահին է եղել, երբ ինքը տղայի համար աղոթում էր:
Ա.Չոպանյան, «Զմայլելի դրվագներ»