Եսայիա 35

1 Անապատն ու չոր երկիրը կուրախանա, եւ կցնծա ամային ու կծաղկի շուշանի պես։

2 Կբացուի, կծաղկի եւ կցնծա ցնծալով եւ բարձրաձայն երգելով. Լիբանանի փառքը նրան կտրվի՝ Կարմեղոսի եւ Սարոնի վայելչությունը. Նորանք կտեսնեն Տիրոջ փառքը, մեր Աստուծո վայելչությունը։

3 Ուժովացրեք թուլացած ձեռքերը, եւ դողդոջուն ծունկերը զօրացրեք։

4 Ասեցեք թուլասիրտներին, Ուժովացեք, մի վախենաք, ահա ձեր Աստվածը գալիս է վրեժ առնելու, Աստուծո հատուցումով է գալիս Նա եւ Նա ձեզ փրկելու է։

5 Այն ժամանակ բացվելու են կույրերի աչքերը, եւ խուլերի ականջները պիտի բացվին։

6 Այն ժամանակ լոք է տալու կաղը եղջերուի պես. Եւ համրի լեզուն օրհներգելու է. Որովհետեւ անապատում ջրեր են բղխելու եւ ամայի տեղումը՝ առուներ։

7 Եւ խորշակահար երկիրը լճի պիտի փոխվի, եւ ծարավուտը՝ ջրերի աղբյուրների. չագալի բնակուած բնակարանումը խոտ է բուսնում՝ եղեք եւ կնյուն։

Մի՛ դատեք

   Քսանչորսամյա տղան նայում է գնացքի պատուհանից դուրս ու բացականչում.

-Հայրիկ, նայի՛ր, ծառերը մնացին հետևում:

Հայրը ժպտաց, իսկ ոչ հեռու նստած երիտասարդ զույգը կարեկցանքով նայում էր երիտասարդ տղայի երեխայական վարքագծին: Հանկարծ տղան նորից բացականչեց.

-Հայրիկ, նայի՛ր, ամպերը վազում են մեզ հետ:

Երիտասարդ զույգը չդիմացավ և ասաց ծեր հորը.

-Ինչո՞ւ Ձեր որդուն ցույց չեք տալիս մի լավ բժշկի:

-Ցույց տվել եմ,-պատասխանեց հայրը,-մենք հենց հիմա հիվանդանոցից ենք վերադառնում: Ծննդյան օրվանից իմ որդին կույր էր, իսկ հիմա տեսնում է:

Այս մոլորակի վրա յուրաքանչյուր մարդ ունի պատմություն: Մի՛ դատեք մարդկանց. Քանի դեռ նրանց լավ չեք ճանաչում: Գուցե ճշմարտությունը ձեզ զարմացնի: Մտածե՛ք նախքան որևէ բան ասելը:

Արյան զորությունն այսօր

   Այս աշխարհում ամեն ինչ կորցնում է իր ժամկետն ու զորությունը: Սակայն Տեր Հիսուսի Սուրբ Արյունը իր զորությունը չի կորցնում փրկելու ու մաքրելու ամեն մեղավորին: Նա այսօր էլ նույն զորությունն ունի, ինչ որ ուներ երկու հազար տարի առաջ: Նա իր զորությունը չի կորցրել նույնիսկ մեր ժամանակներում ու հավիտյան չի կորցնի: Այնպես որ դիմեք Տեր Հիսուսին, որպեսզի մաքրվեք Իր Սուրբ Արյունով: (Հիսուսի արյունով մաքրվելը տեղի է ունենում հավատքով, ո՛չ ֆիզիկապես):

   Որովհետեւ եթե ցուլերի եւ նոխազների արյունը և երինջների մոխիրը սրսկելով սրբում էր պղծվածներին մարմնավոր սրբություն ստանալու համար, էլ որքա՞ն ավելի Քրիստոսի արյունը, որ հավիտենական հոգով իր անձն անարատ պատարագ մատուցրեց Աստծուն, ձեր խղճմտանքը կսրբե այն մեռած գործերից որ կենդանի Աստծուն պաշտեք։ Եբրայեցիս 9:13,14

   Եթե ասենք թե հաղորդություն ունինք Նրա հետ, և խավարի մեջ ման գանք, սուտ ենք ասում եւ ճշմարտությունը չենք անում։ Բայց եթե լույսի մեջ ման գանք ինչպես Նա է լույսի մեջ, հաղորդություն ունինք իրար հետ, և նրա Որդի Հիսուս Քրիստոսի արյունը մեզ սրբում է ամեն մեղքից։ Ա Հովհաննես 1:6,7

   Իմ որդեակներս, սա գրում եմ ձեզ որ չմեղանչեք, և եթե մեկը մեղանչե, բարեխոս ունինք Հոր մոտ Հիսուս Քրիստոս արդարին։ Եւ Նա քավություն է մեր մեղքերի համար. Եւ ոչ միայն մերինների, բայց բոլոր աշխարհքի էլ։ Ա Հովհաննես 2:1,2

   Հիսուս Քրիստոսը նույնն է երեկ եւ այսօր եւ հավիտեան։ Եբրայեցիս 13:8